Mantra shakti aaj ke yug men bhi poorn saty evan pratyek kasauti par khari hai
hamare rishiyon ne jab ved aur mantron kee rachana kee to unaka uddeshy mantr aur sadhana ko jivan men jodana tha. rishi keval sadhana karane vale athava jangalon men aashram banakar rahane vale vyakti nahi the, ve us yug ke vaigyanik, chikitsak, adhyapak, rajanitigya, kalakar vyaktitv the. unhonne jo likha vah poorn shodh aur anusandhan se yukt tha.
kisi bhi mantr ka abhyas karate samay yadi kuchh niyamon ka palan kiya jaye, to sadhak ko safalata nishchit roop men mil sakati hai -
- Sarvapratham aapane jis mantr ka bhi chayan kiya hai, usakee sampoorn sadhana-prakriya kee janakari hona aavashyak hai. yah saty hai kee sadhanaon kee jo shastr varnit vidhi hai, usame anch matr truti bhi vinashakari ho sakati hai, sath hi is shastr varnit vidhi men kisi prakar ka sanshodhan svayam karana bhi uchit nahin hai.
- Vaise adhikatar sadhanaon men poorn shuddhata, satvikata tatha pran pratishthit samagri ke prayog ka vidhan hota hai, jabaki kuchh sadhanaon jaise karnnapishachini sadhana, ghantakarn sadhana, svapn karnnapishachini sadhana tatha shmashan men kee jane vali samast prakar kee sadhanaon men kuchh kriyaon ka nishedh v kuchh ka vishesh vidhan hai. is prakar mantr sadhana kee asafalata ka sarvapratham karna sahi vidhi ka nirdharit gyan n hona hai.
- Ek any dhyan dene yogy vishay hai – mantr ka sahi v shuddh uchcharan. kisi bhi mantr ka jap prarambh karane se poorv samast sandhiyon ko achchhi prakar samajh len. uchcharan shuddh n hone par mantr shakti ka vanchhit labh prapt nahin hota. mantr ka jap poorn spasht v dridh svar men kiya jana chahie.
- Jaha tak sanbhav ho, pooja-sthal ekant men hona chahiye, jahan kee sadhana kal men koee vighan archan pade.
- Ek bat sadaiv yad rakhen, kee jis kisi bhi mantr ka jap aap karate hain, to us par aastha, poorn vishvas rakhen. yadi aapako mantr aur isakee shakti men lesh matr bhi shanka hai v isakee shakti par poorn aastha nahin hai, to aap nirdharit jap sankhya ka das guna roop bhi kar len, tab bhi yah nishfal hi rahega.
- Mantr ke uchcharan ke samay ko ekagr rakhane kee param aavashyakata hoti hai. yadi mantr japate samay vichar sthir hai, dhyan poorn ekagr hai aur mantr kee shakti par poorn aastha hai, to asafalata ka koee karan nirmit hi nahin hota hai.
- Mantr jap aarambh karate samay pahale se hi sadhana ka uddeshy man men rahana chahie. sadhana ke uddeshy ko barabar parivartit karana sarvatha anuchit hai.
- Uddeshy ke sath hi jap jap kee sankhya ka sankalp bhi prarambh men lena chahiye. jap kee sankhya ko pahale din se doosare din adhik kiya ja sakata hai, kintu ise kabhi bhi ghatana nahin chahiye. apavad svarup ek-do prakar kee sadhanaon ko chhodakar.
- Ek hi mantr ka jap lagatar karane se sambandhit shakti jagrat rahati hai. thode samay tak ek mantar chhod dene aur naye mantar praranbh karane se pahale vale mantar kee shakti ka hras to hota hi hai aur naye mantar ko aapako fir naye sire se shuruaat karani padati hai. pahale ek mantar ko siddh karana chahiye, usake pashchat kisi any ko. ek mantr siddh kar lene pashchat kisi doosare mantr ko siddh karana pahale mantr kee tulana men jyada saral hota hai.
- Jyon-jyon aapakee sadhana ka star badhata jayega, siddhi kee duruhata svatah hi kam hoti jayegi. kisi bhi mantr kee siddhi hetu avrutiyon kee jo shastr varnit sankhya hoti hai, vah pahale se hi sadhana kee uttam prishthabhoomi rakhane vale sadhakon ke lie hi bany hai, naye sadhak ko isaka tin guna, char guna ya isase bhi adhik jap karana pad sakata hai.
- Ant men ek mahatvapoorn v dhyan dene yogy bat hai kee mantar sadhana sahi muhoort men kee jani chahiye. vibhinn sadhanaon ke lie vibhinn muhoort nirdharit hai.
- vaise to pratyek sadhana apane-aap men atyant jatil hoti hai, kintu yadi in jatilataon se sadhak bachana chahe, to sarva shreshth marg hai – ‘yogy guru ka aashray prapt karana’. guru ke nirdesh anu sar sadhana karate samay sadhana kee safalata kee sambhavana shatapratishat rahati hai.
No comments:
Post a Comment